Холандската коалициона влада падна по неуспехот на двете најголеми партии да постигнат согласност за тоа дали холандските војници во Авганистан треба да се вратат дома годинава како што е и планирано. Ова изутрината го соопшти премиерот Јан Петер Балкененде по скоро 16 часовните разговори со коалиционите партнери. НАТО побара од Холандија да ги задржи своите 2 илјади војници во Авганистан и по август годинава. За разлика од демохристијаните на Балкененде кои го прифаќаат барањето, лабуристите се за враќање на војниците според планираното.