Врховниот суд во Украина соопшти дека се суспендирани резултатите од претседателските избори , се додека не се донесе одлука за жалбата на претседателскиот кандидат , премиерката Јулија Тимошенко. Одлуката за жалбата на Тимошенко, Судот треба да ја донесе до 25 февруари , денот кога парламентот ја закажа инагурацијата на новиот претседател. Според суспендираните резултати на украинската изборна комисија нов Претседател на Украина е Виктор Јанукович кој победи на изборите со 3,5 проценти повеќе гласови од својот ривал Јулија Тимошенко.
