Косово денеска ја одбележува втората годишнина од прогласувањето на независноста. Косовскиот претседател Фатмир Сејдиу на синоќешниот прием по тој повод, оцени дека „независноста довела до мир и стабилност во регионот“. Тој изјави дека одличните односи со соседните земји - Македонија, Албанија и Црна Гора, докажале дека овој регион може да биде „дел од интегрираното европско семејство“. Веруваме дека со тек на времето и Србија ќе разбере дека местото на земјите од регионот е во обединета Европа и затоа уште еднаш искрено го повикуваме Белград да ги крене рацете од хегемонистичката политика кон другите држави и да се вклучи во напорите за подобра иднина на народите на овие простори, нагласи Сејдиу.
