Повик за нови санкции против Иран поради неговата нуклеарна програма. Во својот говор во Катар, американскиот државен секретар Хилари Клинтон ја обвини иранската револуционерна гарда дека ја води земјата во воена диктатура. По разговорот со Клинтон, саудискиот министер за надворешни работи, принцот Сауд ал-Фаисал рече дека санкциите можеби ќе имаат ефект, но оти иранските заливски соседи се надеваат на „побрзо решение“, не образложувајќи притоа за што станува збор.
