Делегација на Националната гарда на американската држава Вермонт денеска ќе пристигне на тридневна посета на Македонија. Делегацијата ќе ја пречека началникот на Генералштабот на АРМ, генерал-полковник Мирослав Стојановски, соопшти АРМ. Во соопштението е наведено дека целата на посетата е да се унапреди соработката и подготвеноста на контигентот на АРМ за заедничкото учество со вермонтскиот контигент во мисијата ИСАФ. Според протоколот, предвидено е делегацијата да се сретне и со високи државни претставници.