Претседателот на Европската Комисија , Жозе Мануел Баросо денеска во Стразбур изјави дека Европската Унија мора да има усогласена економска политика и да го одбрани еврото со цел полесно да се дојде до излез од како што ја нарече „тешката економска и социјална состојба“. Неопходен е единствен политички настап на Европската Унија во светската политика со цел да и се даде значење на Европа какво што заслужува оцени Баросо во својот говор пред Европскиот Парламент.
