Парламентот на Република Српска денеска по итна постапка треба да се изјасни за предложениот закон за референдум, односно за техничките прашања за негово одржување, но не и за прашањето на референдумот. Властите на Република Српска најавија дека ќе распишат референдум на кој граѓаните на тој ентитет во Босна и Херцеговина ќе се изјаснат дали го поддржуваат Дејтонскиот договор. Премиерот Милорад Додик порача дека нема намерa да распише референдум за отцепување на Република Српска.