Министерот за надворешни работи на Република Македонија Антонио Милошоски денеска ќе престојува во еднодневна посета на Албанија. Освен средбата со својот албански колега Илир Мета, тој ќе биде примен и од албанскиот претседател Бамир Топи, претседателот на Собранието Јосефина Топали и од албанскиот премиер Сали Бериша. Тема на средбите, како што се најавува, ќе бидат заедничките цели во делот на евроинтеграциите, продлабочувањето на билатералните односи и регионалната соработка.
