Грчките царински служби денеска започнаа 48 часовен штрајк, револтирани од најавеното намалување на платите, поради што граничните премини кон Македонија се блокирани. Покрај патниот, во прекин е и железничкиот меѓународен сообраќај, а затворени се и меѓународните аеродроми. Грчката влада, поради големиот буџетски дефицит, најави серија рестриктивни мерки, меѓу кои и намалување на платите на државните службеници.