Министерот за финансии Зоран Ставревски изјави денеска дека порастот на индустриското производство за 20 проценти во декември и претходниот пораст од 4 проценти што го објави Државниот завод за статистика се првите сериозни знаци за стабилизација на индустријата и економијата во Македонија и за почеток на излегување од рецесијата. Тој смета дека и натаму треба да се спроведуваат мерките кои ќе му помогнат на индустриското производство што побрзо да закрепне.
