Папата Бенедикт 16 денеска го осуди како што го нарече хоророт за време на Холокаустот и соопшти дека такви трагедии не смеаат да се повторат. Израелскиот претседател Шимон Перез пред германскиот Парламент ја повика меѓународната заедница да ги изведе пред суд извршителите на злосторствата. Во Полска денеска се одбележува меѓународниот Ден на жртвите на холокаустот. На централната манифестација во некогашниот концентрационен логор Аушвиц се присутни највисоки преставници на Европската Унија и на повеќе земји од светот. Логорот во Аушвиц беше ослободен од Советските сили на 27 јануари, 1945 година, во кој беа убиени околу милион Евреи.
