Иранските власти денеска побараа од Франција да го ослободи иранскиот студент, кој беше уапсен за прекршување на трговското ембарго на Иран. Мајид Какаванд кој е 37 годишен студент по електро инжињерство беше уапсен во март по барање на Соединетите Американски Држави, кои го обвинија дека праќал електронска опрема за цивилна и воена употреба во неговата земја. Иранското министерство за надворешни работи соопшти дека студентот е невин и ги обвини француските власти дека го користат случајот за да извршат притисок врз нивната земја.