10 милијарди долари од меѓународна помош ќе му бидат потребни на Хаити за обнова изјави денеска претседателот на Доминиканската Република, Леонел Фернандез. За да биде таа помош ефикасна потребно е да вклучува меѓународна стратегија, внатрешна координација во државата и јакнење на централната власт оцени Фернандез. Во Монтреал на 25ти јануари треба да се одржи донаторска конференција за Хаити .Во земјотресот со јачина од 7 степени по Рихеровата скала загинаа повеќе од 70 илјади луѓе, повредени се повеќе од 250 илјади а милиони останаа без своите домови. Владата на Хаити прогласи 30 дневна жалост во земјата.