Во самоубиствен бомбашки напад на пазарот во покраината Урузган во Авганистан животот го загубија најмалку 20 лица. Градоначалникот на покраината Јума Гул Химат соопшти дека околу десетина луѓе се повредени во нападот на градот Дихравуд. Претседателот Хамид Карзаи го осуди нападот. НАТО соопшти дека во друг самоубиствен бомбашки напад загинал еден полицаец, а 4 луѓе се повредени во покраината Хелманд.
