Собранието на Македонија на денешната седница на дневен ред, меѓу другото, ги има предлог одлуките за испраќање припадници на Армијата на Македонија за учество во мировна операција во Авганистан и во мировна операција на Европската унија во Босна и Херцеговина. Исто така ќе се најдат и предлог законите за изменување на Законот за личната карта и за дополнување на Законот за Владата, како и за изменување на Законот за издавање обврзници за денационализација.
