Еден пациент заболен од грипот А Х1 Н1 починал вчера поради компликации на бронхопневмонија на Клиниката за инфективни болести во Скопје, соопшти министерството за здравство. Со овој случај бројката на жртви од грипот во Македонија се искачи на 16. Пациентот претходно боледувал од белодробно заболување, дијабетес и ревмаотоиден артритис. Во изминативе 24 часа низ болниците во Скопје се примени нови 16 лица со симптоми на грипот.
