Денеска во Брисел ќе биде одржана конференција посветена на надминување на економската криза во земјите од западен Балкан. Конференцијата, на која ќе се разговара за финансиската и економската состојба во Југоисточна Европа и важноста од регионална соработка за излез од економската криза, ја организираат Шведска, како актуелен претседавач во ЕУ и Европската комисија, во соработка со Советот за регионална соработка. Домаќини на конференцијата ќе бидат министерот за надворешни работи на Шведска Карл Билт и еврокомесарот за проширување Оли Рен. Најавено е учество на шефови на дипломатии и други владини претставници, експерти од земјите - членки на ЕУ, од западен Балкан и други држави, како и на претставници на меѓународни финансиски институции.
