Авганистанскиот претседател Хамид Карзаи ќе ги претстави членовите на новиот кабинет во наредните три дена, соопшти неговиот портпарол Хамид Елми. Според него, Карзаи сеуште се консултира со политичарите, експертите и старешините за да оформи кабинет достоен за сите граѓани на Авганистан. Тој е под огромен притисок на Вашингтон и западните сојузници, во својот кабинет да назначи технократи, а не лица поврзани со војната. Карзаи минатиот месец положи заклетва за втор претседателски мандат од пет години.
