Белата Куќа соопшти дека претседателот Барак Обама ќе присуствува на крајот од самитот за климатските промени во Копенхаген, а не на почетокот, како што беше претходно планирано. Данскиот премиер Ларс Расмусен ја поздрави одлуката на Обама, оценувајки дека тоа е сигнал за можен договор на Самитот, кој започнува во понеделник, во врска со мерките против глобалното затоплување.
