Во експлозија во еден хотел во Могадишу, Сомалија, загинале тројца владини министри, како и уште 6 други лица. До експлозијата дошло кога во хотелот се одржувал состанок на привремената влада, соопшти сомалијската полиција. Африкански трупи ја обезбедуваат лабавата сомалијска влада и се во постојани судири со исламистичките милитанти кои ја контролираат централна и источна Сомалија.
