Индија и Соединетите Американски Држави ќе го финализираат договорот со кој на Индија ќе и се овозможи пристап до цивилна нуклерна енергија. Ова на заедничка прес конференција го соопштија американскиот претседател Барак Обама и индискиот премиер Манмохан Синг. Синг изјавил дека е убеден оти Вашингтон ќе го спроведе договорот што е можно побрзо. Обама пак, истакнал дека Соединетите Американски Држави сакаат да најдат начин да ги намалат тензиите меѓу Индија и нуклеарно вооружениот сосед Пакистан.
