Претседателот на Венецуела Хуго Чавез застана во одбрана на терористот Карлос познат под прекарот Чакал, велејќи дека венецуелецот кој се наоѓа во затвор во Франција е важен револуционер кој ги поддржува Палестинците. Чавез го пофали Карлос, чие вистинско име е Илич Санчез Рамирез за време на синоќешниот говор одржан во Каракас. Рамирез стана меѓународно познат во текот на седумдесетите години од минатиот век по серијата бомбашки напади, убиства и киднапирања.
