Министерот за надворешни работи Антонио Милошоски денеска ќе престојува во посета на Холандија, каде што ќе се сретне со неговиот холандски колега, Максим Ферхаген. Според информациите од Министерството, Милошоски, покрај другото, ќе го пренесе нашето очекување за силна политичка поддршка во наредниот период од холандска страна, во контекст на европската и евро-атлантската интеграција на земјава.
