Денеска во Брисел започнува дводневен состанок на шефови на дипломатии и министри за одбрана на земјите членки на Европската унија. Ќе биде разговарано за повеќе теми меѓу кои најважно е продолжувањето на Лисабонската стратегија за стопански раст и вработување по 2010-та, но и за ситуацијата во Украина, Босна и на Блискиот исток. На работна вечера ќе бидат разгледани и подготовките за средбата на лидерите на Русија и на Европската Унија, закажана за в среда во Стокхолм.
