Повеќе од 98 проценти од избирачките места се отворени денеска за локалните избори кои се одржуваат во Косово. Не се отворени само некои избирачки места на северот од Косово , соопштила претседателката на Главната изборна комисија, Несрин Љушта. Таа изјавила дека тоа се и очекувало, па затоа има алтернативни избирачки места и мобилни екипи кои ќе им овозможат на граѓаните што сакаат да гласаат, за го сторат тоа. Право на глас имаат повеќе од 1, 5 милиони жители.
