Американскиот претседател Барак Обама се очекува да одржи говор на денешната комеморација за 13 те американски војници кои пред неколку денови беа убиени во воената база Форт Худ во Тексас. Напаѓачот, воениот психолог мајор Нидал Малик Хасан кој бил ранет од полицијата се уште се наоѓа во болница. Федералното истражно биро соопшти дека Хасан не бил инволвиран во терористички активности и покрај неговата комуникацијата со радикалниот имам Анвал ал Авлаки. Хасан, според агенциите, бил со палестинско потекло и не сакал да биде испратен во воена мисија во Авганистан.
