Поранешниот европски преговарач за статусот на Косово, Марти Ахтисари за шпанскиот весник „Мундо“ изјавил дека сите земји кои сакаат да бидат членки на ЕУ мора да го признаат Косово, а тоа особено важи за Балканските земји. Според пишувањето на весникот, Ахтисари кој се смета за творец на независно Косово, е задоволен од своето дело и негодува што Шпанија и Грција сеуште не ја признале независноста на Косово. Ахтисари изјавил дека случајот со Косово е единствен и Шпанците не треба да стравуваат дека ќе им се случи и на нив.
