Турски командоси уапсиле петмина пирати, кои се обиделе да киднапираат грчки брод во Аденскиот Залив, соопштие турски воени извори. Турски воен брод реагирал на сигналите за помош на грчкиот брод и успеале да го запрат киднапирањето и уапсиле 5 пирати. Турција, која е членка на НАТО, испрати два воени брода во Аденскиот Залив во меѓународната мисија во Сомалија, која има за цел да ги спречува пиратските напади.