Американскиот советник за национална безбедност Џејмс Џонс денеска е во Москва на разговори со шефот на руската дипломатија Сергеј Лавров во врска со редукцијата на нуклеарните арсенали на двете земји. Џонс треба да се состане и со неговиот руски колега Николај Патрушев. Вашингтон и Москва преговараат на нов договор со кој би се заменил договорот за намалување на стратегиското оружје СТАРТ што истекува во декември годинава.
