Во Луксембург денеска почнува дводневен состанок на министрите за надворешни работи на Европската унија на кој ќе стане збор за ситуацијата во Босна и Херцеговина. Еврокомесарот за проширување Оли Рен и шефот на шведската дипломатија Карл Билд ќе ги информираат министрите за текот на разговорите со босанските политички лидери во Бутмир. Од Европската комисија е најавено дека Босна и Херцеговина ќе биде единствената тема на седницата посветена за Западен Балкан.