Премиерот на Република Српска Милорад Додик изјави дека пакетот решенија за Босна и Херцеговина, кои на преговорите во Бутмир ги понудија претставниците на ЕУ и на САД, за него не постои и оти ќе биде одбиен ако биде повторно понуден. Тој оцени дека во БиХ се „огромни поделбите, анимозитетите и омразата“ и нагласи дека во изминатите 15 години не е направено ништо за помирување на народите коишто живеат во федерацијата.
