Лице вооружено со пушка држи засега непотврден број заложници во службена зграда во центарот на Едмонтон, главниот град на канадската провинција Алберта, соопшти полицијата. Повеќето од 700-те вработени во повеќекатницата се евакуирани, а полицијата ја има опколено зградата и пристапните улици и распоредува специјалци. Една од евакуираните службенички изјавила дека мисли оти деветмина се киднапирани на осмиот кат од зградата. Полицијата се обидува да стапи во контакт со напаѓачот и мирно да ја реши ситуацијата, изјави портпарол на полицијата.
