Германскиот уставен суд го отфрлил барањето за одложување на судењето на Џон Демјанук, обвинет дека учествувал во убиството на повеќе илјади луѓе во Полска, за време на нацистичкиот режим. Демјанук е обвинет за убиство на најмалку 27 илјади Евреи во логорот Собибор за време на Втората Светска војна. Тој тврди дека бил војник на Црвената армија и никогаш никого не повредил. Судењето треба да започне на 30 ноември во Минхен.
