Американскиот Подпретседател Џо Бајден со посетата на Полска ја почнува европската турнеја во чии рамки ќе ги посети и Романија и Чешка. Бајден за полските медиуми пред посетата изјави дека подобрувањето на односите со Русија нема да биде на сметка на Средна Европа. Одлуката на администрацијата на Барак Обама да не гради ракетен штит во Полска и Чешка туку се заложи за флексибилна одбрана, предизвика загриженост во Варшава и Прага дека тоа е направено како остапка на Русија.
