Францускиот претседател Никола Саркози изјави денеска дека тоа што Велика Британија не е во евро-зоната, би можело да ги намали шансите на екс премиерот Тони Блер да стане прв претседател на Европската Унија, функција што е предвидена со Лисабонскиот Договор. Во интервју за весникот Фигаро, Саркози нагласи дека постојат два концепта за кои се разговара и тоа дали претседателот на Унијата треба да биде силна, харизматична личност или некој кој е добар во постигнувањето компромиси.
