Гласачите во многу делови на Русија денеска ќе излезат на избори. Во 76 од вкупно 83 региони во Русија денеска се одржуваат избори за градоначалник, регионални и областни избори. Аналитичарите велат дека изборите се тест за претседателот Дмитриј Медведев . Изборите треба да ја зајакнат демократијата и да го разбијат монополот на владејачката партија Единствена Русија. Критичарите велат дека демократијата е поткопана од неговиот претходник Владимир Путин, сега премиер, и опозицијата вели дека ситуацијата се влоши откако Медведев дојде на власт во мај 2008.