Претседателот на Европскиот парламент Јежи Бузек изрази оптимизам откако чешкиот претседател Вацлав Клаус денеска во Прага му рекол дека ќе го потпише Лисабонскиот договор доколку Чешка добие сличен аранжман на исклучоци какви што имаат Полска и Британија. Според Бузек, таквите исклучоци веќе постоеле во Повелбата на основите права за Полска и за Британија кои тие две земји ги издејствувале во текот на преговорите за Лисабонскиот договор.
