Соединетите Американски Држави го поздравија потпишувањето на спогодбата за полициска соработка меѓу ЕУЛЕКС и Министерството за внатрешни работи на Србија. Во соопштението е наведено дека оваа спогодба во целост ја почитува независноста, суверенитетот и територијалниот интегритет на Косово и се изразува надеж дека со неа ќе биде поефикасна борбата против меѓународниот криминал на Западниот Балкан.
