Претседателот на Венецуела Уго Чавез денеска го повика Туркменистан да му се приклучи на предложениот глобален картел за снабдување со гас, по примерот на производителите на нафта, ОПЕК. Чавез, кој е во официјална посета на Туркменистан, овој предлог му го пренел на неговиот домаќин, претседателот Бедримухамедов. За оваа идеја, според Чавез, било дискутирано и со Русија, Иран и Катар.