Претседателот на Венецуела Уго Чавез пристигна во Техеран на разговори со иранските власти. Тој им оддаде признание за нивните напори да им се спротивстават на, како што рече, западните сили кои сакаат да го дестабилизираат Иран. Чавез претходно престојуваше во Сирија каде што изјави дека Израел бил агент на американскиот империјализам. По Иран Чавез ќе ги посети Русија и Белорусија.
