Претседателот на Венецуела Уго Чавез изјави дека планира купување на десетина руски тенкови, бидејќи земјата се чувствува загрозено поради планот за зголемување на американското воено присуство во соседната Колумбија. Венецуела и Русија во изминатите неколку години потпишаа спогодби во врска со набавки на оружје, вредни повеќе од 4 милијарди долари. Властите во Колумбија,пак, порачале дека Венецуела не би требало да се грижи заради тоа што Соединетите Држави ќе ги користат воените бази во таа земја.