Специјалниот пратеник на САД за блискиот исток Џорџ Мичел денеска побара „целосна соработка“ од Сирија за мир во регионот. Мировните преговори меѓу Сирија и Израел се краткорочна цел, изјави Мичел по средбата со сирискиот Претседател Башар Ал Асад. Претседателот, пак, потенцираше дека арапскиот свет има право да ги врати окупираните територии и при тоа да го одржи мирот. Од Сирија Мичел заминува за Израел каде ќе се сретне со израелскиот Министер за одбрана Ехуд Барак.
