Постигнувањето решение за кипарското прашање до крајот на оваа година е можно, само доколку Турција и раководството на кипарската турска заедница ги променат своите позиции и го почитуваат меѓународното право, изјави кипарскиот претседател Димитрис Христофиас. Кипарскиот претседател, исто така, рече дека на Турција, постојано, треба да и се споменуваат нејзините ангажмани пред ЕУ, Кипар и меѓународната заедница, кои таа досега не ги исполнила.
