Лихтенштајн ќе ја признае Чешка, 17 години по распадот на Чехословачка, соопшти шефот на чешката дипломатија Јан Кохут. Со тоа, Чешка ќе биде признаена и од последната држава која тоа го одбиваше. Лихтенштајн не и поставува на Чешка никакви услови, нагласи чешкиот премиер Јан Фишер. Главната причина, зашто кнежевството Лихтенштајн, до сега, одбиваше да ја признае Чешка е од имотна природа. Владејачката династија на Лихтенштајн бараше од Чешка да и се врати имотот во Јужна Моравија, конфискуван по Втората светска војна.