Лидерот на екстремно десничарската Британска национална партија (БНП), Ник Грифин побара бродовите што превезуваат илегални имигранти од Африка во Европа да бидат потопувани. Во интервју за Би-Би-Си, Грифин, кој пред три недели беше избран за пратеник на европскиот Парламент, побара од Европската унија „многу построги“ мерки за спречување на напливот на илегални имигранти на континентот.
