Грчките новинари денеска ја прекинуваат работата на три часа за да протестираат против кризата во нивниот еснаф, објавуваат грчките електронски медиуми. За денеска е планиран митинг и протест на новинарите пред Парламентот во Атина. Поводот за протестот доаѓа од ненадејната одлука на сопствениците на медиумите да извршат масовни отпуштања и да затворат неколку весници, како и радио и тв канали и Интернет страници.
