Ивица Боцевски поднесе неотповиклива оставка на функцијата вицепремиер за европски прашања. Тој во оставката поднесена до премиерот Никола Груевски наведува дека неговиот придонес во актуелната Влада бил целосно исцрпен и оти до именувањето на новиот вршител функцијата ќе ја извршува државниот секретар во Секретаријатот за европски прашања Перо Димшоски. Од Владата информираат дека премиерот Груевски изразил благодарност за досегашната соработка и задоволство од начинот на кој потпретседателот Боцевски го водел Секретаријатот.