Сомнеж за нови случаи на свински грип и во Црна Гора. Двајца жители на Пљевањ се задржани на инфективното одделение во тамошната болница поради сомнеж дека се заразени од новиот грип Х1Н1. Болницата задржала момче кое студира во САД и 13- годишно девојче кое било во контакт со студентот. Референтниот институт „Торлак“ во Белград треба да ги испита примероците и да утврди дали навистина се работи за новиот грип.
