Европскиот комесар за проширување Оли Рен по досегашните неуспешни преговори за словенечко-хрватскиот граничен спор со посредство на ЕУ, порача Словенија и Хрватска сами да ги продолжат преговорите и потрагата по решение. По шест месеци интензивни преговори и напори и „одигрување продолженија“, сега двете соседни држави сами ќе треба да изнајдат решение, нагласи Рен. Доколку словенечката блокада наскоро биде прекината тогаш постои можност до крајот на годината да се завршат преговорите со Хрватска, додаде тој.
