Американскиот секретар за одбрана Роберт Гејтс го одобри основањето на нова воена сајбер команда, од која ќе бидат координирани напорите на Пентагон да ја одбрани својата компјутерска мрежа и да „води војна“ во сајбер просторот. Портпаролот Брајан Витман изјави дека командата ќе биде сместена во близина на Вашингтон и ќе стане оперативна од наредната есен. Во неодамна објавениот извештај на Белата куќа се наведува дека ризиците поврзани со безбедноста на информацискиот простор спаѓаат во најголемите закани за економијата и националната безбедност во 21-от век.